الشيخ صبرى
بتاع الفضائيات
بيسأله المذيع
واحد غلط مع واحده مش المفروض يستر عليها ويتجوزها
قاله لأ طبعا
يسيبها بفضيحتها
انت عايز اى واحده تغرى واحد وبعدين تقوله استرنى؟
ما ينفعش
الفاحشه تشيع
كويس انه ماقلش ويروح يحكى للناس عنها
وكويس ما قالش يسلط عليها اصحابه عشان يذلوها ويتحرشوا بيها
كلام الرجاله ما بيتغيرش حتى لو شيوخ
الستات هم اللى بيغلطوا انما الرجاله لأ
الستات هم اللى بيتفضحوا انما الرجاله لأ
عمرى ما آمنت لراجل الا وفضحنى
عمرى ما اديت سرى لراجل الا وقاله لكل الناس
عمرى ما حاولت اسعد راجل الا وحاول يأذينى
سالت نفسى كتير ليه بيعملوا كده
حتى لو عايزين يتسلوا
حتى لو عايزين يستمتعوا
حتى لو غرضهم جنس وبس
برضو ليه النداله
ده حتى السؤال الصحيح ليه الاستمتاع بالنداله
Subscribe to:
Post Comments (Atom)
16 comments:
لو الكلام ده طلع من شيخ تبقي كارثه
علشان الدين اهتم بالستر وربنا قبل التوبه
ازاي شيخ يرم واحده منها
بعدين يعني غلطتط لوحدها ولا شربته حاجه اصفرا و صحي لاقا نفسه كده
هو كمان غلط و هما الاتنين زي بعض مش علشان هو راجل يبقي خلاص عادي ده جهل و تخلف
موضوعك حلو اوي
ايمى
منورة واؤكدلك ان ده اللى قاله مع المذيع وسمعته بودنى واستغربت زيك
كاننا بنقول لشاب صلح علطة واحد تانى
أنا بس عاوز أقول مداخله
ده لو سمحتى
أنا أنسان متعرفهوش يعنى مفيش مجال
للكذب
بتقولى أن الرجال لا يحفظون الأسرار
أنا مش هاقول لا مش كلهم
بس هاتكلم عن نفسى
أنا لسنين طويله كان معظم أصدقائى من الجنس الناعم وبالطبع كان فيه علاقات أو أسرار من أى نوع بس مفكرتش أنى أطلع سر بره وأخون ثقتهم
ولا واحده من صديقاتى حتى وقت زعل
قررت أنها تنشر أسرارى أو تفضح آحدى علاقاتى
الموضوع بيعتمد على اختيارك للأشخاص
كويس أنك تكونى حذره لكن بدون تخوف من كل الناس
أنا قريت البوست اللى فات وعارف أنك خارجه من تجربه صعبه وأنك بتعيش جزء من حياتك على الأنترنت
بس أرجوكى خلى بالك النت أحيانآ بيكون فيه ناس مرضى
خاصة الشات
خالص تحياتى
بقلك ايه معكيش تليفون عمونا الشيخ صبري ده ممكن الواحد يحتاجه في اي فتؤه تفصيل كده ولا حاجه.
مالك زعلانه من نداله الرجاله كده اذا كان يا ستي الرجاله هما الي بيتعاملوا بالنداله في الستات هما الي اخترعوا النداله اساسا.
وبعدين محدش بيضربك تعملي حاجه علي النت مش عيزاها انتي الاستعاد عندك موجود انتي عايزا كده ما تهربيش من الواقع وتقولي الناس كلها كدابه ومتسمعيش كلام حد يقلك لا الدنيا حلوه ولذيذه . هنا يا جماعه علي النت الناس بتهررررب من مشاكلها بلاش ندفن راسنا في التراب كفايه بقي.انتوا لو مش خايفين ليه ما بتكتبوش اساميكم ليه ما بتكتبوش ايميلاتكم ليه ما بتكتبوش تليفوناتكم.
انتوا لو مش بتكدبوا وعايزين تهرجوا وتلعبوا وتعملوا الي انتوا مش قادرين تعملوه في الحقيقه كنت عيشت في الواقع عشت بين صحابك وقرايبك وحكيت واتكلمت وسألت مش جاي هنا باسم مستعار وطريقه تفكير مستعاره وتقلي لا انا صادق مع نفسي ومع كل الناس قديمه العب غيرها او العبي غيرها.
ومثال هنا صاحبه المدونه بتهرب من الواقع للخيال في عالم النت هيا عملت كل حاجه علي النت مش قادره تعملها في الحقيقه. هوا ده يا جماعه الواقع بلاش هروب من الواقع.
ويا اهلا بيكم في ارض الاحلام المزيفه
I C U have had bad Experiences in Ur Life..
But U make a mistake as U Generalise all Men in One basket , although U have dealed just with one category,,,,,in the chat I mean...
so ...if U look at urself from Inside and Fix it ..U will find a nother art of men( Birds of a feather gathered together).
wish U luck in the next dayes of urrlife.
bio
طبعا صوابعك مش زى بعضها
بس تنكر ان نسبه كبيره من الشباب بيتعاملوا مع موضوع العلاقات بنداله وخسه وبطريقة القط والفار
الموضوع واضح طبعا
realman
كل كلامنا على الناس اللى فى الدنيا مش الناس اللى فى النت
صحصح معانا امال
a dreamer .........
الاسم طويل معلش
نفس الكلام بتاع realman
الكلام مالوش دعوة بناس النت
بنوع النت مش بيتحسبوا
انا فعلا مقتنعة اننا بنعامل الرجالة غلط وهو دة اللى عاملنا مشاكل معاهم دلوقتى
بجد ما انا كمان مينفعش افرط فى نفسى وبعدين اقول الراجل غلطان
من الاول طريقة تعاملك معاه هى اللى هتوصلك لاما لموقف حدث بالفعل دة
لاما انك فعلا تخليه يحبك ويتعلق بيكى ويقولك شبيكى لبيكى عبدك ملك ايديكى
لازم تكون الست ذكية
يا ستات استخدموا دهائكو شوية
ويلا نعامل بعض صح
من الواضح ان انتي الي مش مصحصحا معايا يا فاديه الناس الي في الدنيا ده هيا المزيفه. والناس الي علي النت ده الناس الحقيقيه انتي علي النت بتطلعي حقيقتك الي مش خايفه ان الناس تعرفها لانهم اساسا مش عارفينك انا في الدنيا الي احنا عايشينها ده انتي بتلبسي قناع تاني قناع يعجب الناس ويمشي علي هواهم. انما لما بتكوني لوحدك قدام جهازك بتطلعي الي جواكي بتطلعي حقيقتك الي انتي عايزاها فعلا ونفسك تعيشي بيها بين الناس.
نشرب نسكافيه واحنا بنقرا الكومنت كدا علشان نركز اوكي.
typical from those who claim they are men of god ... they became many, and the worst thing is that they find those who listen and appreciate their louzy talk
الرجال يقومون بذلك لاننا نعطيهم الفرصة لذلك
بالانصياع لهم ولاوامرهم ولرغباتهم بلا مناقشة
يجب على المرأة ان تعمل على بناء جدار واقى لها من كرامتها واحترامها لذاتها والا النهاية الطبيعبة هو الوقوع فى بئر من الاحزان والذنب
انها مسئوليتنا قبل ان نلومهم، نلوم انفسنا
تحياتى
بصي يافاديه دلوقتي بقينا في عصر شيوخ الفضائيات اللي واخدين الدين سبوبه و كل يوم تسمعي عن فتوي شكل
ده حتي في مجله كانوا عاملين كاريكاتير عن انتشار الفتاوي الغريبه و منها انهم حيجي عليهم يوم و يقولوا ان ميكي ماوس و ميمي الشخصيات الكارتونيه المعروفه بيزنوا سوا
و فتوي غريبه برضه سمعتها بتقول ان لازم الست تجيب معاها محرم قبل ماتقعد قدام الكومبيوتر و تتصل بالنت
دايما الراجل هو اللي صح و الست هي اللي راكبها الغلط في اي حاجه تحرش يبقي هي اللي اغرته
جنس يبقي هي اللي خالته يعمل كده مابيحاولوش حتي يوزعوا التهمه علي الاتنين دايما الست هي اللي غلطانه و الراجل هو اللي بيضحك عليه
النداله يافاديه بقت سمه عامه لأاغلبيه البشر و بقم بيتباروا فيها للأسف قله قليله هي اللي بقه عندها نخوه
النميمه انتشرت و ماحدش عاد بيستر علي حد بالعكس تلاقي حد عارف سر عن حد تاني عايز يفضحه عشان ال يعني عامل طيب و عايز خير
تحياتي لموضوعك المميز و عوده حميده و ماتبقيش تتأخري كده علينا
معقول؟
يعنى ربنا قال " إلا من تاب من بعد ذلك وأصلح"
ممكن حد يفهمنى أصلح ازاى ؟ غير انه يصلح غلطته؟
الأصل فى الاسلام الستر .. والاسلام لايعفى رجل .. ولا يطارد من أخطأ ولنا فى قصة ماعز وما قال الرسول عندما طارده الصحابة " اتركوه" عظة وعبرة ..
ربنا قال فعلا " ذلك الدين القيم ولكن أكثر الناس لايعلمون "
وليه بتسمعى كلام الناس دول ؟
دول بيشتغلوا حراس جنة ونار ..إسألى أى واحد .. انت بتحب ايه .. ترسم .. تعزف موسيقى .. تلعب كرة .. أى حاجة ..
هاتلاقيه فاضى تماما لايصلح لشئ ..يعنى صعب أصلا يبقى بنى آدم
نحن فى عصر أقل ما يقال عنه أنه كئيب بسبب هؤلاء .. الذين لم تخرج عقولهم من دورة المياه الى الآن .. لم يقولوا لنا كيف نفيد الانسانية .. وماذا اضفنا لنصبح أرقى وأقوى ولانعتمد على غيرنا فى كل نواحى الحياة غير اللحية والحجاب
الاجابة .. لاشئ
سيشرفنى أن تزورى مدونتى أو معرضى
هاااي فاديه
بقالك فتره مش بتنزلي مواضيع ارجو ان يكون المانع خير
حبيت اقولك كل سنه و انتي طيبه و عيد سعيد ليكي و لكل اسرتك
طمنينا عليكي عزيزتي
اولا فكرة ان اللي يغلط مع واحده ميتجوزهاش غلط لأن المفروض ان محدش غيره يتجوزها
الأيه واضحه الزانيه لا ينكحها الا زان او مشرك
ثانيا في مسألة الزنا بالذات الست عندها المفتاح بالتالي هي مسؤليتها اكبر لكن لأن ربنا عادل فعقابهم متساوي
ثانيا الرجاله بتتباهى بحصولهم على امرأه والستات برده بتعمل كده الرجاله بتتباهي بانهه بيعرف وبيعمل وبيتنيل وفي ستات كده برده يعني الحال من بعضه كله بيتباهى بجرائمه
اما بقى جزء النداله فده طبع في الجنسين برده
يعني خلاصه الكلام ان الرجاله والستات انيل من بعض ولايقين على بعض
سلاااااااااااااااااااااااااااااااااااام
Post a Comment