مش عارفه النت مفيده ولا مضره
احيانا باحس انها اذتنى وضيعت عليا فرص كتير
واحيانا احس انها فتحت لى دنيا كبيره
ابتديت من زمان بالالعاب
كنت باقضى وقت طويل جدا العب مع ناس ما اعرفهومش كوتشينه وطاوله
وبعدين بقيت اتشات على برنامج الاى سى كيو والبال توك
وعرفت ناس كتير
بس ماحسيتش ان اى حد كويس
كلهم عندهم مشاكل
وكلهم عندهم كبت
وكلهم بيدوروا على جنس
قابلت من النت شويه شباب
وفى الاخر اقتنعت ان اللى بيتشاتوا دول كلهم كدابين وعيانين ومافيش حد منهم كويس
قلت خلى يتوع النت للنت
لكن الموضوع اتطور
والنت بقت بتاخد وقت كبير منى
وبعد كذا سنه لقيت نفسى باصاحب على النت وباتعلم على النت وبالعب على النت وباروح سينما على النت وباحب على النت و بامارس الجنس على النت
وبعد ما اتجوزت اتخلصت من النت شهور
ورجعتلها بس بسيط
لكن لما اتطلقت رجعت للنت
رجعت اكتر من الاول
يا ترى ده ادمان؟
Subscribe to:
Post Comments (Atom)
23 comments:
هاي يافاديه
اول مره ليا في مدونتك
طبعا انا حرد علي تعليقك عندي في المدونه هناك
انا بس حبيت ازورك و اشوف مدونتك
اول موضوع احب احييكي عليه و علي طريقه طرحه و علي جراءتك في التحدث عن ماتفعليه علي النت
اتفق معكي عزيزتي ان فيه كتير من بتوع النت مرضي و مهووسين و ماتقدريش تأمني ليهم بس علي الجانب الاخر فيه ناس كويسه اوي يمكن بيضيعوا مع الناس الوحشه
اهم حاجه ناخد بالنا و مانديش معلومات عننا بسهوله عشان ممكن يضرونا بيها
تحياتي ليكي و اشكرك انك زورتي مدونتي و اتمني ان تقبليني زائره في مدونتك و في انتظار المزيد من الحقائق
تحياتي و احترامي لشخصك الكريم
انا جيت من عند زي
العالم اﻻفتراضي دا عالم الماسكات
الواقع ممكن يكون احلي بكتير
ﻻن في لغة عيون
ولو العيون تخون يبقي كل شئ يهون
تحياتي
اجنده حمرا
بتفكرينى بواحده صاحبتى فرقتنا الايام
كانت زيك بالظبط نفس الشخصيه والذكاء والافكار
والميول كمان
ههههههههههه
كان بينا حكايات كتير يمكن ييجى يوم واحكيها
سلامى لكى
zenzana
شوفت مدونتك الجميله بس معرفتش اعلق عندك بصراحه اصلى مش بافهم فى السياسه او يمكن مش ميولى
بمناسبة زى
هو انتى تعرفيه؟ وهو حيسيب التدوين؟ وليه؟
شخصيته جميله وخسارة يمشى
هو متجوز او مرتبط؟
سؤال من غير اغراض والله
ههههههههه
عزيزتي فادية
أولا مرحبا بك في مدونتك الجديدة
انا رأيت تعليقك عندي و دخلت على مدونتك على طول و فعلا فكرة جيدة انك تصنعي لنفسك عالم خاص بك و تعبرين فيه بكل صدق و صراحة
بالنسبة لرجوعك للنت ليست مسألة ادمان ممكن هي مسألة فراغ بالدرجة الاولى و انتي بتشوفي انو النت هو اللي حيملى عليك حياتك
المهم انك تستغلي وجودك على النت في تنميت ذاتك بالدرجة الاولى اما الشات مع كل من هب و دب مجرد مضيعة للوقت و الجهد و استنزاف حتى مشاعرك
و صدقيني انو لو تعرفتي على 5 اشخاص في المستوى و استمريتي افضل من الف شخص و شخص
و صدقيني حتحسي باستقرار نفسي
على كل حال مرحبا مجددا
تحياتي
فاديه
مبروك عليك هذه المساحه الجديده من الحريه
كل انسان فينا عنده جزء خفي
وهو حر يظهره او يخفيه
وبصراحه الحريه تستاهل الواحد يعمل عشانها حاجات كتير بس يوصلها فعلا
والنت هى نافذه على عوالم مختلفه ومتناقضه وانت المتحكم الوحيد فيها
عشان كده الأمان في ايدك انت مش في ايد اي حد تاني
يوم ما تكوني محتاجالها حتجري عليها ويوم ما تزهدي فيها حتسيبيها
يعني عالم خاص بك
تتحكمي فيه كيفما شئت
تحياتي لك
رغم اختلافي في كيفية استخدام النت من شخص لاخر
انما
بلا جدال
لا استغناء عن النت
عايز اطبخ
على النت
عايز اسافر
على النت
عايز اتجوز
نت
عايز اتخانق
نت
عايز اعلق عند فادية
على النت
الانترنت اعظم اختراع في التاريخ
أنا كمان على فكرة بقيت مدمنة للنت
تقريبا يعنى
لكنى لم استغنى يوما عن البشر الحقيقيون من أجل عالم افتراضى
بل ان السبب الساسى اللى خلانى اعمل اللقاءات بين المدونين هو رغبتى الشديدة فى ان يكون هذا العالم
عالم المدونات
عالم حقيقى لبشر حقيقيون
الناس يا فاديا فيهم الكويس وفيهم الوحش .. دة فى كل مكان
فى الشغل .. فى الجيران .. فى الأهل حتى
ليه عايزة الناس فى النت يكونوا كلهم حلوين يعنى
النت يبدو للبعض ان غالبية الناس فيها وحشة لكن الحقيقة ان كلنا جوانا الخير وجوانا الشر ولما بنقدر نتخفى بيظهر الوحش للأسف أكثر
تحياتى على البلوج الجديد
وعلى البوست الصادق
انتى جميلة جدا من جواكى وعظيمة قوى على فكرة
اسم المدونة أجمل مافيها
لأ أجمل ما فيها هو ان انتى اللى عاملاها
تحياتى
تحياتي
النت عالم مليء و زاخر بكل شيء...الصالح و الطالح......الغث و الثمين....المهم انت ...ماذا تريدين بالضبط...؟ ..
عن تجربتي...انا التقيت بأشخاص علي النت من خيرة الناس...صداقة ممتدة لسنوات عده....و يوجد لدي اصدقاء حول العالم تقريبا...
أيضا التقيت بأشخاص سيئة.... مغرضين
و مرضي كما ذكرت انت... و هؤلاء سرعان
ما ذهبوا الي مكانهم الطبيعي...( سلة المهملات ) .
ادعو الله ان يجنبك المرضي و اصحاب الاهواء...و ان يوفقك ان شاء الله في كل احوالك...
تحياتي
النت هو اختراع
خطيييييييييييييييييير
و ميزته التجديد
وسيلة اتصال
امكانياته كبيرة جدا
بس النت ده علاج لاى نوع وحدة
لان انقطاع النت معناه الوحدة
حجز طيران و تأكيد حجز
شغل
اصحاب
اخبار
اى حاجة
ممكن تلاقيها
مذكرات امراه مثلية
--------------------
دماغك حلوة قوى على فكره
خسارة انك فى المغرب
المسافه بعيد قوىىىى
:)
لومى
----
الحرية صعبه قوى على فكره احنا تقريبا بنضحك على نفسنا يا ستات لما بنقول اننا حرات
المجتمع بتاع الرجاله هم بس اللى احرار مش بس عشان بيعملوا اللى هم عايزيه لكن عشان محدش بيلومهم على حاجه
طهقان
-----
شكلى عملت زيك وبقيت عايشه فى النت ويمكن كمان ازود الحاجات اللى باعملها على النت انى اطهق على النت
شرم
----
متشكرين يا عم افادك الله
:)
ياسمين
-----
ايه رايك نلم المدمنين ونروح نتعالج بس المشكله مافيش حد بيعالج ادمان النت يمكن عشان متع النت ممكن ما تبقاش بديل لمتع الدنيا وانما ممكن تكون اضافه لها
انا مره لاحظت ان حتى مع وجود متع الدنيا برضو حنيت للنت
على فكره يا ياسمين انتى اللى عظيمه بجد بس غامضه
الربان
------
انا كنت قاصده اقول ان فيه ناس كويسين قوى على النت وفاشلين فى الدنيا ولواكتفيت معاهم بعلاقه النت حتكسبهم ولو نقلتهم للدنيا حتكرههم
مش انت شايف كده برضو؟
اسلام فنتورا
-----------
النت لغت الحوابات والبريد
وكاميرات النت خلت المسافرين يتقابلوا ويتكلموا كل يوم
فوايد كتير بس لغايه فين
لفت نظرى انك بتتكلمى على النت بصيغه المؤنث مش عارف ليه
بس النت شبه الشارع فيه كل الناس
الطيبين وولاد الكلب
ناس كتير بتستعر من معارفهم على النت
مع ان كل الناس الغرب بتتعرف فى الشارع
ليه مش بيستعروا من بعض
انتى لما دخلتى على النت وقابلتى الناس الى مش كويسين حسب كلامك يعنى
كنتى فى امكاكنهم
انتى عاوزة تروحى شقه دعاره تلاقى واحد بيقرا قران
ولا عاوزة تروحى ديسكو تلاقى شاعر؟
النت فيه كل حاجه
البوست بتاعك حلو وطريقه الطرح صادقه اوى
تحياتى
momken
اصل النت شبكه والشبكه مؤنثه
بس بيتهيألى التذكير والتأنيث مالوش مغزى
لكن مافهمتش موضوع بيت الدعاره اللى فيه حد بيقرا قرآن
تقصد النت بيت دعاره؟
بيتهيألى تقصد ان فيها بيوت دعاره زى ما فيها كل حاجه
حبيت اقولك كل سنه و انتي طيبه يافاديه و رمضان كريم و بعوده الايام و في انتظار المزيد من كتاباتك
هو مش ادمان اوي ممكن يكون انك تملي فراغ عندك
و انا زيك ماقدرش استغني عن النت بس الموضوع ابتدي يقل شويه ن الاول
هاستنا الجديد
مبروك علي البلوج
اول مرة لى فى مدونتك، بداية موفقة وفى انتظار المزيد
اما عن الموضوع
فالنت بالنسبة لى منجم للمعرفة، وذلك لانى احب القراءة والبحث
وانت على حق، لقد اصبحت جزا مهما من حياتى، واصبحت اقضى غالبية يومى على النت ... اتحدث مع المقربين لى، اقرا، اكتب، اتواصل، اتعلم... كل شئ
جعلت من العالم صفحات يسهل الوصول اليها لذا فانا اعتبرها كما قال شارم اعظم اختراع فى التاريخ
اتمنى من الله ان يكفيكى شرها
تحياتى
المهم هى طريقة التناول
انتى عاوزه النت في ايه؟؟
تضيع وقت وملىء فراغ وخلاص ولا ايه؟؟
لوقدرتى تحددى النقطه دى
هترتاحى كتير
والناس اللى على النت هى الناس اللى في الشارع يعنى هى الناس اللى بتتعاملى معاهم في الحياه العاديه
هى انا وانتى وهو وهى
................................
تحياتى لكى
كل سنه و انتي طيبه يافاديه و عيد مبارك
عام سعيد فاديه و كل سنه و انتي بخير
ده ادمان واسألي مجرب
اول مرة ادخل هنا
احاسيسك وكلامك موش عارف لمس قلبي جدا
انا رجل وتقريبا نفس قصتك بس بالعكس
حاليا منفصل واحيانا بدخل نت اعمل كل حاجة بس انا موش مريض ولا خيالي واسع يمكن ظروف شغلي كدكتور خلت وقت فراغي شوية صغيرين عايز اتمتع بيهم
موش حطول عليكي
بس حبيت ارد علي كلامك
كلام جميل بس المهم حتى فى الحرية يكون فى تفكير وتركيز فى الاختيارات لان من الحرية ما جرح وما قتل المشاعر
Post a Comment