الشيخ صبرى
بتاع الفضائيات
بيسأله المذيع
واحد غلط مع واحده مش المفروض يستر عليها ويتجوزها
قاله لأ طبعا
يسيبها بفضيحتها
انت عايز اى واحده تغرى واحد وبعدين تقوله استرنى؟
ما ينفعش
الفاحشه تشيع
كويس انه ماقلش ويروح يحكى للناس عنها
وكويس ما قالش يسلط عليها اصحابه عشان يذلوها ويتحرشوا بيها
كلام الرجاله ما بيتغيرش حتى لو شيوخ
الستات هم اللى بيغلطوا انما الرجاله لأ
الستات هم اللى بيتفضحوا انما الرجاله لأ
عمرى ما آمنت لراجل الا وفضحنى
عمرى ما اديت سرى لراجل الا وقاله لكل الناس
عمرى ما حاولت اسعد راجل الا وحاول يأذينى
سالت نفسى كتير ليه بيعملوا كده
حتى لو عايزين يتسلوا
حتى لو عايزين يستمتعوا
حتى لو غرضهم جنس وبس
برضو ليه النداله
ده حتى السؤال الصحيح ليه الاستمتاع بالنداله
Tuesday, October 16, 2007
Subscribe to:
Posts (Atom)