مش عارفه النت مفيده ولا مضره
احيانا باحس انها اذتنى وضيعت عليا فرص كتير
واحيانا احس انها فتحت لى دنيا كبيره
ابتديت من زمان بالالعاب
كنت باقضى وقت طويل جدا العب مع ناس ما اعرفهومش كوتشينه وطاوله
وبعدين بقيت اتشات على برنامج الاى سى كيو والبال توك
وعرفت ناس كتير
بس ماحسيتش ان اى حد كويس
كلهم عندهم مشاكل
وكلهم عندهم كبت
وكلهم بيدوروا على جنس
قابلت من النت شويه شباب
وفى الاخر اقتنعت ان اللى بيتشاتوا دول كلهم كدابين وعيانين ومافيش حد منهم كويس
قلت خلى يتوع النت للنت
لكن الموضوع اتطور
والنت بقت بتاخد وقت كبير منى
وبعد كذا سنه لقيت نفسى باصاحب على النت وباتعلم على النت وبالعب على النت وباروح سينما على النت وباحب على النت و بامارس الجنس على النت
وبعد ما اتجوزت اتخلصت من النت شهور
ورجعتلها بس بسيط
لكن لما اتطلقت رجعت للنت
رجعت اكتر من الاول
يا ترى ده ادمان؟
